أساس الدار

الشاعر: الزعيم ول علال

اكليعت الحر بالحر تنكاس@

والحر فالحر بالحر ينقاس@

يحتاج بناي الدار للساس@

دار بلا ساس ماتنحسب دار@

لجواد اتعدل السترة الباس@

واتعس من فعل اوجب العار@

الخير بالخير والناس بالناس@

والشر بالشر والعام دوار@

امنين يحراش فيام يملاس@

فيام وامنين يبراد يحرار@

اجر للعيب تبراد لحساس@

من عيب لخوت واجر للنار@

لخوت تنكااس اﻻ بلكياس@

واصلاح لمور واصلاح لخبار@

بالعون فالشح وابطيب لنفاس@

وابصيفت الناس لغلاظ لكبار@

وامنين للشر ادق لجراس@

واتنشر الحرب للموت لوزار@

تذارع الناس لحليب لقراس@

واتكمر الليل واتوغر النهار@

اباش ماتات لمجاد تنداس@

واتعم لفراح واعم لعمار@

واتم لجيال اتبط لركاس@

بالكها اكبال تحرير لوكار@